- გამოყენებითი ეთიკა
- ფილოსოფიის სფერო, სადაც ხდება ადამიანთა ცხოვრებისა და საქმიანობის გარკვეულ სფეროში წარმოქმნილი პრობლემების გადაჭრის გზების შესახებ მოწოდებული ზუსტი რეკომენდაციების განხილვა და ამავე დროს, მომხრეთა და მოწინააღმდეგეთა არგუმენტების გონივრულად განსჯა; პრინციპულ საკითხებზე მეტად აქ ყურადღება გამახვილებულია პრაქტიკულ საკითხებზე: იმაზე, რაც კონკრეტულად უნდა გაკეთდეს. სხვაგვარად მას პრაქტიკულ ეთიკასაც უწოდებენ. გამოყენებითი ეთიკა თავისთავად გულისხმობს დისკუსიებს, რათა დადგინდეს-პრობლემების მოგვარებისთვის რა საყოველთაოდ მიღებული გზები არსებობს და რა ნორმები უნდა დააწესოს კანონმდებელმა.Source: ირმა მანჯავიძე, ლევან ლაბაური, მარინე კვაჭაძე. ადამიანის უფლებათა დაცვა ჯანდაცვის სფეროში და სიტყვის თავისუფლება - თბ., 2006.
Georgian encyclopedia. 2013.
